කවි සැරසිය

මලිත්තෝ. කෙත් යායක වී කරලක් රස කර කර නුඹ කෑවත්...  මගේ ළමයි බඩගින්නට පස් කන්නද  මලිත්තෝ.. කොහොල්ල ගුලි ලා ඉදලක් නුඹ වෙනුවෙන් මම තිබ්බත්...උබේ පියාපත්වල ගම් හෝදන්නම්  මලිත්තෝ.... දහදියෙන් කෙත්යාය සාර වී නැමුන වී..දකින විට උබේ කුසගිනි  දෙගුන වෙනවද  මලිත්තෝ... පුංචි පංගුව මගේ යායේ මගේ දරුවන් හතරටත් මදි...උබේ පංගුව කුරුලු පාලුව කොහොම දෙන්නද මලිත්තෝ.... පුංචි පැල්පත් හැමතැනම දැං..රුක් ලතා බිම දමා හදනව...උබගෙ අඹ දඹ කජු මදක්වත් කන්න නැතුවද මලිත්තෝ... උබට හැකිනම් එන්න පැලවෙත..මගේ පැටවුන් කවයි නිතරම ..උබේ පාටට උබේ පෙනුමට පැටව් ආසයි මලිත්තෝ... ගමේ ආරච්චිගේ කුඹුරෙන් වී කටක් කෑ විටදි පෙරදා...උබේ සොඳුරිය ගිනි බටෙන් වෙඩි කෑවදෝ මගෙ මලිත්තෝ.. අදට විතරක් කන්න උබ මගෙ වෙලෙන් වී අහුරක්ම නුබටයි..කුසගින්නෙ දුක දන්නවා මම මගේ ආදර මලිත්තෝ...

තරු අතර තරුවක් නැත පලක් දිලුනත් වරුවක්.. සදවල්ම සිය දහස් ගනනක්.. තිබුනනම් සඳ වෙද උපමාවක්... නොවී මෙන් සිය දහස් තරු අතර තරුවක්... වීමට හැකියිනම් එක් තනි සඳක්.. දහස් ගනනක් කවින්හට නුබ වේවි නිතරම උපමාවක්.. සිතා නිතරම කරණු වෙනසක්.. උනොත් නිතරම වෙනස් මිනිසෙක්.. මිනිස් හිස් මැද දහස් ගනනක්... නුබත් වේවි උපමාවක්... වලා ගොතමින් පද බඳින මම.. කවිකාර තරුවක්...

වයන විට මූසිල වෙණ.. නොකලේද මත් කලේ දන මන.. ගුත්තිලගෙ  ගුන පමනක්ම වෙණ. ඔපදමා ගුරු නදම වෙණ.. මහ පවකි අප තව ගෙවන... ................................. මූසිලට නොහැකියිද ගුත්තිලව පසුකරවන්න... ගුරු අභිබවන බව අරුමයක් උනේ කෙලෙසද සක් දෙවිදු හට.. සක්‍රයා නුබ කලෙත්  ශාපලත් වැඩක් විදවන... හැකියාවක් කෙලෙස බිදලන්නෙ නුබ ගුලි වලින් මෙලෙස ?? මූසිලගෙ හැකියාව වැඩි නොවෙද ගුරුන්ටත් වැඩිය? මූසිලගෙ හැඩ වෙණ නද ගැයුම දැක දැක.. සතුටු විය නොහැකිද හරි ගුරෙක් ලෙස ගුත්තිලහට.. මූසිල නොසිතහන් නුබ ඔය කරුනු ගැන.. ඇකයෙන් වැටුනු දරුවන් නුබේ වෙණ නද නිසා විය නොහැකිද ?.. ඉහල තැනටම මුට්ටියෙන් බෙදන ඈයන්.. පහල උන්හට බෙදුවෙ කන්හැන්දකින් හැමකල්... විලි වසා ගැනුමට ගුත්තිල හට.. උනා ගන්නට ගුලියක් සක්‍රයාගෙන් නයට.. එදා ඒ වෙණ නද තරග බිම.. ගුත්තිල නොවෙයි හැබෑ විරුවා.. කාගෙ කාගෙත් දොස්ම අසනා මූසිල නුබය සැබෑ විරුවා... කරනට ගුත්තිලගෙ හඩ ඔප... වැට්ටූ දරුන් ඇකයෙන් මව.. සක්‍ර නුබටත් පලදෙයි පව.. මූසලගෙ සාපයම ඇති නුන හට...

දන්සලක් වී දැන් අරුමයක්.. වෙසක් පමනද  දන්සලක් දෙන්න ඌයේ කලක්.. කිමද මේ වෙසක් මස වැඩිවූයෙ පිනක්.. සිදුහත් නුබ වත් දන්නෙහිද මෙහෙ සිදුවන වගක්.. නුබ දෙසු දම් ගග සරලයිද මෙසේ සේ දිය පොදක් ?.. සැබෑ ලෙස දන්සලින් දුගියගේ පිරේවිද එක බඩක්.. දන්සල් වටා කාර් වෑන් වටවී ඇත ගොඩක්... නොදී දන්සල් වෙසක් මස මහ ගොඩක්... හැකියිනම් දුගියන්ට දී පුරා දොලොස් මසක් .. මහා බුදු හිමි දෙසූ ධර්මයෙ  ගුනෙන් කල පලක්.. සිතා කටයිතු කරොත් වේවියි හෑමෝටම හොඳ හෙටක්.. කවිකාර තරුවක්... K.m.t.h konara

රම්‍ය සුර්ම්‍ය සුභ මාලිගා තුනක්.. රජ සැප , කම් සැප , දරු , හැම සැපක්. අත් හැර ගිය සුදුහත් නුබ මෙතෙක්.. බුදු වී දෙව් බස දැන් කනපිටක්... ................................ හැම සැප අත් හැර ගිය නුබ භවයෙන්.. භව දුක ලෝ දුක ගැලවෙන ක්‍රමයෙන්.. නිවන්පුරේ වෙත නුබගිය තැනකින්.. හැකිනම් එනවද අප හමුවන මෙන්.. ..................................... රජ සැප අත් හැල නුබෙ පාත්තරේ.. පිලිමෙක දිලෙනා කාසි කොල තිබේ.. හැකිනම් පංසලෙ ලොකුම සාදුගේ.. පිලිමය තනලා තියනු මේ ලෙසේ.. ............................ බුදු දහම වියැකෙයිද මේ ලෙසෙන් සැමදා ?? හිමි දෙසූ බන නොවෙද කඩන්නේ මෙලෙසා.. නුබ වැඩියොතින් නැවත අපේ බිම සොයලා.. සිතෙයි නුඹ කීව බන කොහෙද මෙහි හැමදා